الحاج ہارون احمد انصاری : شہر مالیگاﺅں کی سیاست کے سالار قافلہ

باباے سیاست و معمارِ جے اے ٹی کیمپس کی اکیسویں برسی کے موقع پر خصوصی تحریر

از: عطاءالرحمن نوری (ریسرچ اسکالر) مالیگاﺅں

    شہر مالیگاﺅں میں کئی اربابِ علم و فن جلوہ فرما ہوئے جنھوں نے اس شہر کی آبیاری کے لیے بے پناہ جدو جہد کیں۔ ان عظیم و بے لوث خدمت گذاروں کی حیات وخدمات سے تاریخ کے اوراق روشن  ہیں۔ دیدہ انسانی کو خیرہ کر دینے والے ناموں میں ایک نام باباے سیاست معمار جے اے ٹی کیمپس الحاج ہارون احمد انصاری صاحب کا بھی ہے۔ آپ عوام وخواص میں ایک بالغ نظر، مایہ ناز اسکالر اور سیاسی مدبر کی حیثیت سے جانے جاتے ہیں۔ آپ کی خصوصیت یہ تھی کہ آپ عوام وخواص میں معروف اور اکابر و معاصرین میں یکساں مقبول تھے۔